Бугарското претседателство објави официјален став за одбивањето на Радев да ја поддржи декларацијата на деветмина негови колеги од централна и источна Европа за поддршка на интегритетот на Украина и нејзиниот прием во НАТО.
Радев не се согласувал со целосниот текст на декларацијата иако Бугарија е дел од декларацијата од самитот на НАТО во Букурешт во 2008 година за идниот пристап на Украина. Но оваа декларација е усвоена во сосема поинаква безбедносна средина, се наведува во соопштението.
Воените акции на територијата на Украина денеска бараат нејзиното членство во Алијансата да се дискутира во целосниот состав на северноатлантскиот совет и да не доведе до ризик од директно вклучување на земјите од нато во војната, се додава во соопштението.
Документот со кој се осудува припојувањето на нови украински територии кон Русија го потпишаа претседателите на Романија, Чешка, Полска, Естонија, Латвија, Литванија, Македонија, Црна Гора и Словачка