Вечерта во ресторанот за брза храна „Буррито Мадре“ во Нови Београд се претворила во вистински хорор за едно семејство – нивното дете настрадало од струен удар откако се фатило за гола жица во градината на ресторанот.

“Сите бевме навистина исплашени, никогаш во животот не сум слушнала таков крик! Цело време плачеше. Неговата рака е црна. Во меѓувреме, на пат кон болница му излегоа пликови”, вели мајката на петгодишното момче кое, за среќа, поминало без сериозни повреди, но претрпело огромна психичка траума.

Немаше индикации за опасност, тврди соговорничката на српски Телеграф. Таа седела со својата сестра, двете другарки и нејзиното дете во градината на ресторанот, додека малиот си играл со автомобилчиња кои ги возел по гарнитурата за седење.

Над главата висеше спирална жица, но на прв поглед не изгледаше како опасност туку – декорација.

„Дојдов со моето дете, нарачавме храна и седнавме таму. Во еден момент момчето се качи на гарнитурата, а над нас од таванот висеше кабел. Веднаш да се оградам, изгледаше како некоја декорација, затоа што е истиот спиралниот кабел беше на четири места. Не се гледаше гола жица. Мојата пријателка седеше веднаш под тој кабел, беше на пет сантиметри од него“, вели мајката.

Драмата започнала кога момчето го грабнало кабелот кој висел.

„Во тој момент почнува да вреска, пред него се создава блесок, секоја сијалица во градината пука, почнува да чади и има непријатен мирис. Го тресеше струјата и не можеше да го пушти кабелот. Седев спроти него, а до него беше и сестра ми. Таа го грабна и го оттргна, и неа ја удри струја. Веднаш му ги ставивме рацете во земја, тој се грчеше, се тресеше и врескаше следните десет минути “, вели мајката.

Другите гости на кафеаната, тврди, си заминале кога виделе што се случило. Насобраното семејство и пријатели повикале брза помош и полиција.

„Сестрата влезе внатре да побара вода, ги извести за тоа што се случило и во тој момент излезе една девојка. Јас и реков да се јави кај управителот, да се јави на одговорното лице за заштита при работа и директорката. Таа рече дека се известени и дека ќе дојдат“, вели мајката.

 

Burito madre, dečak, struja

 

Пристигнала полицијата, а потоа и брзата помош.

„Дадовме изјави во полиција. Брзата помош го превезе момчето во Заводот за мајка и дете, бидејќи има изгореници на десната дланка со која ја фати жицата. После тоа со него отидов во Заводот каде му ја санираа повредата, направија ЕКГ, се беше во ред, предложија да го задржат 24 часа, но живееме во близина на Институтот, па решивме да ја следиме неговата состојба дома. Утредента повторно дојдовме да направат ново ЕКГ, да му ја исчисти изгореницата и да ја санираат раната.“

Од вработените добиле објаснување дека тука имало украсен лустер, кој непосредно пред нивното пристигнување, наводно, гостин случајно го скршил со главата.

„Менаџерот и госпоѓата која е задолжена за безбедноста при работа кажаа дека точно половина час пред да седнеме на тоа место, на него седел човек и кога станал удрил со главата и го скршил лустерот, бидејќи бил многу ниско поставен. Го викнале мајсторот, но не можел да дојде. Никаде немаше известување, ништо. На уште три места исто така стои спирален кабел без лустер“, тврди мајката.

Мајката најавува приватна тужба.

„Полицијата стапи во контакт со обвинителството, тие не се надлежни, бидејќи детето, фала му на Бога, не е повредено, во смисла дека не му е загрозен животот, рекоа дека може да се поведе приватна тужба, што дефинитивно ќе го направам“, вели мајката.