Пожар избувна во популарната излетничка област Горица во Подгорица.

– На 27 јули 2021 година, во 11:19 часот, до Службата за заштита и спасување е испратена пријава дека има пожар во областа на ридот Горица. Со појавувањето на припадниците на Службата на лице место, утврдено е дека станува збор за пожар од големи размери – соопшти Службата за заштита и спасување.

– Со координирана акција на неколку тимови, и покрај ветрот што го отежнува гаснењето, припадниците на Службата успеаја да го стават пожарот под контрола во 12.17 часот. Исто така, заради превентивна инспекција, дадена е наредба за ангажирање на воздухопловната единица на Дирекцијата за заштита и спасување со цел евентуално утврдување на појава на нови пожари во споменатата област. Екипите се уште се на терен до понатамошно известување – се вели во соопшгението.

Во претходните сезони немаше големи пожари на ридот Горица, бидејќи по големиот пожар пред неколку години, оваа локација редовно се посетува во текот на летото, а има и противпожарна станица на самиот рид, наведува порталот.