Милан Бандиќ, градоначалникот на Загреб почина синоќа од срцев удар, откако со години имаше големи проблеми со здравјето, пишува Слободен Печат.

Се започнало во 2003 година кога тој доживеа тежок мозочен удар. Лекарите тогаш се бореле за неговиот живот, но на крајот тој релативно брзо закрепнал.

На 1 мај 2017 година тој бил на операција на стомакот, откако како што тврдел, невнимателно подигнал котел со грав.

Истата година заради проблеми со срцето му бил вграден снтент, а во јуни минатата година тој заврши во болница откако му се слошило.

Во декември 2018 година тој заврши во болница заради белодромна емболија, која настанала како последица на тромб после тројна фрактура на потколеницата. Бандиќ тогаш заврши на одделението за интензивна нега.

Во август минатата година тој ги оперирал гласните жици.

Милан Бандиќ почина синоќа на 66 години откако му се слошило, по што бил префрлен во болница, каде имало неуспешен обид за негова реанимација.