Грција одлучи да ја помести возрасната граница за децата на кои им е дозволено да влезат во земјата без ПЦР-тест, за една година, така што тоа сега важи за деца на возраст до 6 години. До крајот на јуни се очекува во Грција без ПЦР-тест да може да влегуваат децата до 12 години.
Во земјата може да се влезе со доказ дека сте прележале ковид-19, односно со зачуван позитивен ПЦР тест или тест за антитела, под услов да поминале најмалку два месеца од дијагностицирањето на болеста и не повеќе од девет месеци од дијагностицирањето на болеста.
Исто така, може да се влезе со сертификат за вакцинација, а потребно е да поминат најмалку 14 дена од ревакцинацијата.
