logo
logo
logo

Ново ПОСКАПУВАЊЕ на билетите за дел од траектите во Грција

Vecer | 02.07.2022

Ново ПОСКАПУВАЊЕ на билетите за дел од траектите во Грција

За четири до осум отсто се зголемени цените на билетите за дел од траектите во Грција, главно на оние од атинското пристаниште Пиреас, што е дополнително покачување на и онака зголемените цени, според грчката новинска агенција АНА-МПА, јави дописничката на МИА од Атина.

АНА-МПА пишува дека од лани билетите за траектите се зголемени за околу 25 до 34 отсто.

Поконкретно, согласно податоците што ги објавува грчката новинска агенција, од вчера билетот од Пиреа до островот Миконос од 48,50 сега чини 52,50 евра, за Наксос од 48 евра е 51,50 евра, за Парос од 46,50 евра е 50 евра, за Иос од 50 евра е зголемен на 54 евра.

За патување од атинското пристаниште Рафина, цените на билетите се непроменети.

Станува збор за трето поскапување на цените во изминатите месеци. Првото беше во април, второто на средината на јуни, а третото важи од вчера.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk