Најмалку 11 загинати и 34 повредени е последниот биланс од несреќата која ја предизвика полскиот автобус во хрватска. Возачот наводно заспал
Автобус со полски регистерски таблички денеска наутро доживеа тешка сообраќајна несреќа на автопатот А4 Загреб-Горичан. Најмалку 11 лица загинаа на лице место, а 34 лица се повредени.
Според првите информации, автобусот околу 5:30 часот излетал на потегот од Брезнички Хум до Комин, во правец кон Загреб. Полициската управа на Вараждин наведува дека точната локација е помеѓу Јарек Бишашки и Подворец, пренесува Јутарњи лист.
Засега нема официјални информации за причините за оваа несреќа, ниту за околностите во кои се случила, но неофицијално, тезата е дека возачот најверојатно заспал на воланот.
Полицијата е на местото на настанот и врши увид, а на локацијата се повикани екипи на итната помош и пожарникари кои помагаат во спасувањето на настраданите.
Хрватскиот авто клуб извести дека меѓу клучките Брезнички Хум и Комин во правец кон Загреб, дозволената брзина е 40 км/ч.
