logo
logo
logo

НОВА ИНТЕРНЕТ ИЗМАМА: Закажување вакцинација во Србија преку туристички агенции

Vecer | 12.04.2021

НОВА ИНТЕРНЕТ ИЗМАМА: Закажување вакцинација во Србија преку туристички агенции

На социјалните мрежи се споделуваат објави на туристички агенции од Турција ои наводно организираат тури за вакцинација во Србија.

Покрај тоа што им се ветува вакцинација, се бира и точна вакцина, па најчесто тоа се Фајзер и Модерна, која не е ни пристигната во Србија, што укажува на измама.

Дека станува збор за измама потврдија и од Србија.

Не е можно да се закажат вакцинации во Србија преку која било странска или домашна туристичка агенција, вели директорот на Канцеларијата за ИТ и е-управа на Србија, Михаило Јовановиќ.

Тој предупредува дека станува збор за измама преку Интернет.

„Она што се појави на Интернет и на некои социјални мрежи, очигледно е интернет измама на која никој не треба да паѓа, особено странските граѓани“, изјави Јовановиќ за РТС.

Тој спомена дека е познато дека единствениот начин да се аплицира за вакцинација е преку порталот за е-Управа.

„Од првиот ден, дозволивме таа можност да важи и за странски државјани. Ќе дојде нивниот ред кога нашите граѓани кои се во фокусот ќе ја завршат вакцинацијата“, рече Јовановиќ.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk