logo
logo
logo

Ние, ЕВРОПЈАНИТЕ ОД КОСОВО, ви укажуваме на опасност од нова војна

Vecer | 25.11.2021

Ние, ЕВРОПЈАНИТЕ ОД КОСОВО, ви укажуваме на опасност од нова војна

Косовската министерка за надворешни работи Доника Гервала вели дека војната повторно стана вистинска закана за Балканот.

„Мора да се преземат храбри чекори против оние кои промовираат дестабилизација овде во регионот, како што се Србија и Русија и делумно Кина. Болно е, но за жал вистина, што војната повторно стана вистинска закана за Балканот“, рече таа на состанокот на Комисијата за партнерство на министерско ниво на Американско-јадранската повелба (А5) што се одржа во Загреб.

„Во однос на безбедноста, моментално сме во многу тешка ситуација. Тоа ме потсетува на ситуацијата од пред 20 години. Уште тогаш предупредувавме дека војната ќе биде неизбежна, но никој не не сфати сериозно. Денес повторно сме соочени со ризикот од конфликт, да бидам многу јасна – ние, вистинските Европејци овде во регионот, и со нашите моќни европски партнери, а пред се со нашите американски сојузници, никогаш не треба да ја игнорираме реалноста, бидејќи тоа не е добро решение“, изјави Гервала.

Таа потсети дека за овој проблем ги информирала претставниците на НАТО и на САД на неодамнешниот безбедносен форум во Халифакс, Канада. Според неа, актуелната криза не може да се реши со испраќање одредени дипломати во регионот.

„Мора да се преземат храбри чекори против оние кои ја промовираат дестабилизацијата на соседните земји овде во регионот, како што се Србија и Русија, делумно и Кина, со цел да се ублажи оваа голема опасност. Болно е, но за жал вистина е дека војната повторно стана вистинска закана за Балканот“, рече Гервала и додаде дека од 90-тите години на минатиот век никогаш не се споменува толку често зборот војна како сега.

Таа го обвини раководството во Србија дека користи јазик сличен на оној што го користеше Слободан Милошевиќ во 1990-тите. Ако се погледнат напорите на Додик, Вучиќ и Путин во Босна, како што таа понатаму изјави, може да се види дека на маса е поделбата на државите иницирана од Србија и Русија. Таа го спомена и министерот за внатрешни работи на Србија, Александар Вулин, кој, посочи, јавно кажува дека желбата е да се создаде „тоа што го нарекуваат српскиот свет“ пренесува Косово онлајн.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk