logo
logo
logo

На полноќ почнува изборниот молк во пресрет на претседателските избори во Црна Гора

Vecer | 31.03.2023

На полноќ почнува изборниот молк во пресрет на претседателските избори во Црна Гора

Граѓаните ќе избираат меѓу двајцата кандидати кои освоија најмногу гласови во првиот круг на гласање - актуелниот шеф на државата, Мило Ѓукановиќ, и младиот политичар од движењето „Европа сега“, Јаков Милатовиќ, јавува агенцијата Анадолија.

Во првиот круг, што се одржа на 19 март, Ѓукановиќ освои 35,37 отсто од гласовите, а Милатовиќ 28,92 отсто од гласовите.

Право на глас на претседателските избори имаат 542.154 граѓани.

Најмногу гласачи има во Подгорица - 143.608, а најмалку во Шавник - 1.777.

Избирачките места в недела ќе бидат отворени од 7 до 20 часот, а граѓаните ќе можат да го дадат својот глас на вкупно 1.162 избирачки места.

Овие претседателски избори се четврти од обновувањето на независноста и осми од воведувањето на повеќепартискиот систем.

Досега претседатели на Црна Гора беа Момир Булатовиќ, Филип Вујановиќ и Мило Ѓукановиќ.

Претседателот се избира со мандат од пет години. /МИА

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk