Вељко Беливук (35) викан Веља Невоља и членовите на неговата група користеле гумени комбинизони и чизми додека ги касапеле своите жртви, ова се најновите сознанија од истрагата. Имено, во тајниот бункер во куќата во Ритопек биле најдени крвави комбинизони, а се претпоставува дека таму се убиени и смелени во машини за мелење месо најмалку петмина луѓе.
Новодно Беливук и екипата додека ги распарчувале труповите користеле гумени комбинизони и чизми, а по подот и ѕидовите на бункерот биле излепени најлони.
- Откако оделата и алатот за мачење, како и машините за мелење месо се однесени на вештачење, форензичарите го тргнале и сиот паркет и плочките од гаражата и тајниот бункер во куќата, со цел да не најдат биолошки траги од жртвите, рекол изворот.
Во куќата биле најдени и неколку парчиња гардероба за кои се претпоставува дека им припаѓаат на жртвите. На вештачење биле испратени и парчињата коски најдени во свежо раскопаната земја кај полскиот клозет, каде се претпоставува дека Беливук и екипата ги закопувале издробените коски кои не можеле да се смелат во машините за месо.
