Косово промовира стабилност и безбедност, не само за своите граѓани, туку и за регионот и пошироко, рече премиерот Албин Курти на отворањето на конференцијата „КБС и партнери“.

Курти посочи дека Косово има за цел да биде составен дел на регионалните и глобалните безбедносни структури, особено НАТО и ЕУ.

„Косово сака да биде дел од регионалните иницијативи и да промовира мирни соседски односи со цел да се зголеми стабилноста и довербата меѓу земјите во регионот“, додаде тој.

Премиерот Курти изрази длабока благодарност за важната улога што НАТО, преку КФОР, ја одигра во развојот на безбедносниот сектор и одржувањето на безбедна средина во Косово.