Колинда Грабар Китаровиќ се пофали со фотографиите од Вашингтон каде беше на доделувањето на наградите на Атлантскиот совет.
Поранешната претседателка позираше во елегантен црвен фустан со машна. Станува збор за модел кој многу наликува на моделот на хрватската марка Krie Design.
„Победници на овогодинешните награди за истакнато лидерство на Атлантскиот совет 2022 се Марио Драги, претседател на Советот на министри на Италијанската Република, Џамала, кантавторка и победничка на Евровизија 2016 година, Клаудио Дескалци, извршен директор на Ени и храбриот украински народ“, напиша Колинда, добивајќи бројни комплименти во коментарите.
„Најубавата жена во политиката“, „Убава“, „Изгледаш феноменално“, се само дел од коментарите.
