Според прелиминарните резултати, Томислав Томашевиќ, кандидатот на „Можеме“, е избран за градоначалник на Загреб.
Томислав Томашевиќ, роден на 13 јануари 1982 година во Загреб.
Раното детство го поминал во областа Запруше во Нов Загреб, а потоа се преселил во Запрешиќ со неговата мајка Иванка, таткото Смилјан и братот Тихомир.
Кога имал 20 години, се вратил во Загреб.
Живеел во Трње, Доњи град и Тресњевка, каде што се уште е неговото живеалиште.
Прекарот „Сенф“ го добил во основното училиште во Запрешиќ, а му го дале другарите од училиштето бидејќи скратеното име го поврзувало со сенф од марката „Томи“.
Го посетувал 7-то средно училиште во Загреб на улицата Крижанишева, а во 2000 година се запишал на Правниот факултет во Загреб.
Во третата година го напуштил Правниот факултет и во 2006 година се запишал на Факултетот за политички науки, каде што заврши четири години додипломски, а потоа и постдипломски студии по политички науки.
Магистрирал во 2013 година на Британскиот универзитет Кембриџ на тема од областа на животната средина, општеството и развојот.
Томашевиќ е автор и уредник на десетина публикации, научни статии и извештаи на теми кои се движат од управување со комунални компании, модели на учество на граѓаните во управувањето со јавни и заеднички добра, управување со водите, обновливи природни ресурси, до младинска политика и борба против социјална нееднаквост.
Од 16-годишна возраст во Зелена акција
На 16-годишна возраст, тој се приклучил на “Зелена акција“ и се занимавал со решавање на бројни еколошки, просторни и социјални проблеми во Загреб: од борбата против исклучувањето на фабриката Каменско и изградбата на согорувач на отпад во Ресник, помагајќи им на жителите на улицата Купска по уривањето и спротивставување на приватизацијата на Загрепската чистота.
Кулминација на активизмот на Томашевиќ е борбата улицата Варшавска во центарот на Загреб да биде пешачка зона.
Како тогашен претседател на Зелената акција, од 2006 до 2011 година, тој беше еден од водачите на протестите за зачувување на Цветни трг и улицата Варжавска како јавни простори.
Од битката за Варшавска до хрватскиот парламент
Томашевиќ е во Зелената акција од 2001 година, а тој беше и потпретседател на Хрватската младинска мрежа (ММХ) и член на Младински совет на Владата на Република Хрватска.
Учествувал во започнувањето на граѓанската иницијатива “Право на градот“ во 2006 година.
Од 2012 до 2015 година, бил член на Советот за заштита на животната средина и одржлив развој на Владата на Република Хрватска.
Како член на политичката платформа, “Загреб е НАШ!“ служеше како член на Градското собрание на Град Загреб, а на парламентарните избори во 2020 година, станува член на тогаш собраната политичка платформа Можемо!, односно на Зелено-левата коалиција во хрватскиот парламент.
Учесник на конференции на ООН
Во 2002 година, Томашевиќ учествувал на Светскиот самит на ООН за одржлив развој во Јоханесбург како член на хрватската делегација од редовите на граѓанското општество.
Од 2003 до 2005 година, тој беше член на Советот за млади на ООН (УНЕП) и учествувал на десетина конференции на ООН за одржлив развој.
Тој е програмски менаџер на Институтот за политичка екологија во Загреб.
Живее во Трешњевка со сопругата Ива Мертиќ Томашевиќ и кучето Бошко.
Зборува странски јазици, англиски и германски, а во слободното време патува, трча и тренира аикидо.
