За време на свадбите во Србија обичај е при доаѓањето во куќата на невестата, младоженецот со пушка да погоди и „симне“ јаболко од покривот на куќата. Се пука со пушка, иако имало разно-разни примери во кои сме виделе и други оружја. Додуша овој најновиов и не се гледа така често затоа што овие сватови решиле да бидат помодерни и обичајот да го поткренат на едно ново, повисоко ниво - наместо со пушка дошле со зоља!
Не е познато од каде доаѓа видеото, но очигледно е дека омилена песна им е „Ѓурѓовден“ зашто истата трешти во позадина.
Етнолозите за овој обичај велат дека неговата суштина е сосема поразлична и нема никаква врска со натпреварувањето кој подобро нишани. Според стручњаците целта на овој обичај всушност е правење врева зашто се верувало дека тоа ги брка демоните.
[embed]https://www.youtube.com/watch?v=b0Y3e2Hei8A[/embed]