ХОРОР НА ДЕТСКИ ТУРНИР ВО САРАЕВО: Хулигани со ножеви ги нападнале Србите, еден татко избоден

Како што пренесуваат медиумите во соседството, инцидентот се случил на фудбалски турнир во Сараево кога група хулигани со ножеви, факели и солзавец нападнале родители на малолетни момчиња.

Таткото на едно од децата бил избоден двапати во задниот дел од телото и ногата.

Децата, за среќа, се неповредени, а за се е известена полицијата која е на лице место, како и брзата помош.

Читател на српски Курир до редакцијата испрати шокантно видео за кое тврди дека е направено утрово во Сараево за време на меѓународниот фудбалски турнир за момчиња „Шампион јуниор куп“, на кој се гледа како група момчиња скандираат „Убиј го Србинот“, по што следувала серија инциденти насочени против српските деца, како и возрасните кои ги придружувале.

Како што може да се види на видеото  кое можете да го видите ОВДЕ, овој срамен момент се случил во текот на играта. Момчиња во темни дресови, најверојатно од клуб од Босна и Херцеговина, се прегрнале додека стоеле покрај теренот и почнале да скокаат и да скандираат.