Секоја сезона, без разлика дали е лето или зима, приказната е иста: на мрежите кружат фотографии од сметки од кафулиња, хотели и ресторани во регионот, а се „прикачуваат“ и објави/твитови за искуствата на клиентите.
Иако цените се огромни, гостите секако треба да знаат дека со престојот на вакво место не плаќаат само храна/пијалаци, туку и услуга, атрактивност на локацијата, култура, историја и углед на дестинацијата.
Откако малку стивнала „бурата“ за спорната сметка од Јадранот, се огласиле и од Вагнер:
„Почитуваниот гостин беше во Опатија, на нашата култна тераса Вагнер, која е дел од групација која обезбедува највисоко ниво на квалитет, од обично еспресо до a la carte јадења кои ги има во нашиот ресторан“, напишале и додале дека во објектот видно се истакнати цените, и дека ценовниците се достапни во „доволен број примероци“.
Генералната директорка се осврнала и на истражувањето на Hotels.com кое оваа страница го направила за „озлогласениот“ сендвич и во таа прилика истакнала дека еден таков во Женева во 2015 година чинел 22 евра, а 18 евра во Париз.
Сепак, бесната туристка напишала дека „ресторанот е малку одвоен од хотелот и дека не се разликува од останатите во Опатија“.
Потсетуваме, ова е само еден во низата вакви случаи и ги нема само „таму некаде“... Исто се случува и на домашен терен.
