За време на силното невреме што попладнево го зафати Белград, гром удрил во зградата на аеродромот „Никола Тесла“.

Како што се наведува, гром удрил во пистата на белградскиот аеродром „Никола Тесла“ и во таа прилика предизвикал штета, поради што привремено се прекинати полетувањата и слетувањата на авионите, соопштуваат од аеродромот.

 

View this post on Instagram

 

A post shared by 192.RS (@192_rs)

На веб-страницата FlightRadar24 во овој момент може да се забележи дека нема авиони кои слетуваат или полетуваат од белградскиот аеродром.

Како што соопштуваат од аеродромот, оперативните служби во моментов ја проценуваат состојбата.

– Приоритет е безбедноста на патниците и авионите и соодветно на тоа, полетувањата и слетувањата се привремено прекинати, а нови информации ќе има по 17 часот, се наведува во соопштението на аеродромот Никола Тесла.