Грчката метеоролошка служба и Националната цивилна заштита издадоа предупредување денеска, а се очекува топлотниот бран да трае до 8-ми август, невообичаено долг период.
Од вторник па натаму, се очекува да биде над 30 степени во текот на ноќта, што е особено тешка состојба за човечкото тело со оглед на тоа што не може да се опорави од топлината.
Друг страв е дека пожарите може да започнат рапидно да се шират низ целата земја поради предвидените силни ветрови.
Грција веќе имала екстремни топлотни удари во минатото, но временските услови се очекува да ги надминат претходните нивоа во наредните денови.
Во 1987 година, 4.000 луѓе починаа од топлотен удар, кога системите за климатизација сè уште не беа вообичаени. Посебно погодени беа постарите луѓе во градовите.
Големи делови на полуостровот Пелопонез беа изгорени во 2007 година за време на уште еден топлотен удар. Десетици луѓе загинаа.