logo
logo
logo

Ѓукановиќ: Не ни треба „ринге, ринге раја политика“

Vecer | 22.09.2022

Ѓукановиќ: Не ни треба „ринге, ринге раја политика“

Претседателот на Црна Гора, Мило Ѓукановиќ изјави дека не сака да прејудицира што ќе прави доколку Собранието на Црна Гора не го скрати својот мандат на 30 септември, но изјави дека неговиот потег ќе биде во согласност со Уставот.

– На Црна Гора и треба одговорна влада, а не ринге, ринге раја политика, изјави Ѓукановиќ за новинарите во Будва каде учествува на конференцијата на Американско-јадранската повелба (А5), пренесува „Вијести”.

На прашањето дали поради тоа што нема комплетен Уставен суд не можат да се одржат локални избори, Ѓукановиќ рече дека локалните избори ќе се одржат на 23 октомври.

Црногорскиот претседател на 20 септември и испрати на претседателката на Собранието Данијела Ѓуровиќ предлог за скратување на мандатот на парламентот, истовремено соопштувајќи дека го отфрлил предлогот на старото парламентарно мнозинство да го прифати Миодраг Лекиќ за мандатар на новата влада.

Ѓукановиќ тогаш изрази уверување дека до нова влада може да се дојде само со одлука на граѓаните на избори.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk