Неколку стотици специјалци на Албин Курти вооружени до заби, придружувани од оклопни возила, влегоа во Северна Митровица и го блокираа целиот град.
До 22 часот на улиците на Северна Митровица било мирно, немало инциденти. Во градот патролираат и припадници на ЕУЛЕКС, ситуацијата е мирна.
Припадниците на специјалната единица на косовската полиција фрлиле и две шок бомби.
Граѓаните на Северна Митровица се собираат на улиците, зборуваат за се што се случува во последните неколку дена, тензично е, но без инциденти. Сите кафулиња се затворени, а жените и децата се засолниле од улиците, јавува Косово-онлајн.
Полицијата на Косово вечерва соопшти дека во наредните денови ќе го засили присуството на северот на Косово и додаде дека одржувањето на јавниот ред е една од нивните главни цели.
Директорот на Канцеларијата за Косово и Метохија, д-р Петар Петковиќ, вечерва во 23 часот во прес-салата на Владата на Република Србија ќе одржи вонредна прес конференција, јавува српски Курир.
