Споредувајќи ја сликата за вакцинација во Србија и Италија, италијанската телевизија Медијасет на канал Италија 1 објави 15 минутен прилог во кој потенцираат дека во Србија сè работи како часовник и дека околу 7.800 лица се вакцинираат дневно во најголемиот центар за вакцинација, а 450 во ист таков центар во Милано.
Под наслов „Србија, рај за вакцини“, новинарот Гаетано Пекораро ги подвлече големите разлики меѓу Србија, која ја нема во Европската унија и која досега вакцинираше 30% од населението со најмалку една доза и каде населението меѓу 40 и 50 се моментално вакцинирани, а Италија, која е дел од Европа и само 14% од луѓето се вакцинирани, а имунизацијата на лица над 80 години сè уште не е завршена.
Она што најмногу го потенцираат е дека во Србија е можно да се избере вакцина затоа што, како што вели премиерката Ана Брнабиќ, „желба на Владата е сите луѓе да се чувствуваат безбедно“ и дека навреме се нарачани вакцините од Русија и Кина, со кои Србија има одлични дипломатски односи.
Тие нагласуваат добра и ефикасна организација благодарение на дигитализацијата, овозможи луѓето да бидат повикани во Србија во рок од 24 часа по аплицирањето за вакцината, а најдоцна за 10 дена, додека во Италија, луѓето над 80 години чекале поквик по два месеци.
Досега, Србија има вакцинирано и десетици илјади луѓе од странство, претежно од регионот и од Италија и Австрија, а покана ќе добијат сите што се пријавиле на порталот за е-влада, посочуваат новинарите.
Во Ломбардија, која има 10 милиони жители, се вакцинираат 27 000 луѓе дневно, а во Србија од 7,5 милиони жители, 53 000 за 24 часа.
На крајот тие велат дека ако продолжи вака, Италија ќе достигне колективен имунитет во февруари 2022 година, а Србија во јули оваа година.
“Vogliamo che i nostri cittadini si sentano sicuri”, ha detto a Gaetano Pecoraro la premier Ana Brnabic #leienePosted by Le Iene on Wednesday, April 14, 2021
