Полицијата во Загреб по завршување на истрагата за 70-годишниот маж, осомничен дека пукал со воздушна пушка во група малолетници, на истиот му е одреден притвор, соопшти загрепската полициска управа.
Според хрватското законодавство, кривичната истрага е водена поради постоење основи на сомнение за кривично дело загрозување на животот и имотот со општо опасно дело или средство, согласно хрватското законодавство.
Се сомнева дека 70-годишникот испукал неколку истрели од воздушна пушка калибар 4,5 мм кон неколку малолетни лица во четвртокот, на 13 јануари, околу 18.30 часот во загрепската населба Трешњевка. Притоа, еден истрел погодил малолетничка во потколеницата и полесно ја повредил.
По кривичната истрага, осомничениот е предаден на надзорникот на притворот, а посебен извештај е поднесен до надлежното државно обвинителство, соопшти загрепската полиција.
