Претседателот на Националното собрание на Србија, Ивица Дачиќ, дури и кога зборува за сериозни теми, користи секоја можност да внесе дух во приказната.

Така беше и за време на гостувањето во Курир ТВ во емисијата „Искра на денот“.

Темата беше повеќе од сериозна – се зборуваше за нон пејперот кој го тресе регионот, но Дачиќ се обиде да се нашали.

„Услов да дојдам во емисијата беше да ми сварат кафе“, објасни Дачиќ, пиејќи го кафето додека траеше интервјуто

„Извинете, дојдов директно од Собранието, каде што сум од 10 часот“.

На прашањето дали нема кафе во Собранието, тој одговори:

„Да, но јас претседавам.“

Така, тој јасно стави до знаење дека нема време за пауза на работното место, дури ни за кафе.