Извршниот директор на „Булгаргаз“ Људмил Јоцов за одбивањето на „Гаспром“ да испорача гориво вели дека го сфатиле како шега.
„Во Бугарија веднаш не ја сфатија сериозноста на намерите на Гаспром да ја прекине испораката на гас, пишува порталот „Дневник“ повикувајќи се на извршниот директор на „Булгаргаз“ Људмил Јоцов.
Јоцов на сличен начин го објасни и поскапувањето на природниот гас.
Според новинарите на „Дневник“, Иван Иванов, првиот човек на Регулаторната комисија за енергетика и водни ресурси, упати критики до директорот на Булгаргаз за неговата индолентност.
- Бевте предупредени, не верувавте, но како прв човек на најголемата гасна компанија во Бугарија требаше да интервенирате не само со апел до Министерскиот совет - рече Иванов.
- Да бидам искрен, мислевме дека е шега - му одговорил Јоцов.
„Гаспром“ од 27 април ги прекина испораките на бугарската компанија „Булгаргаз“ поради неплаќање во рубљи и одлуката на Москва да премине на пресметките во руската национална валута со непријателските земји.