Во загребската ковид болница пополнети се сите капацитети и во неа лежат пациенти кои имаат тешка клиничка слика, рекла заменик директорката на Клиничката болница Дубрава Диана Рудан.
Таа истакнала во Дневник на Нова ТВ дека се повеќе се млади на кои им е потребна болничка нега, но дека тие побрзо се опоравуваат од постарите пациенти.
Во КБ Дубрава хоспитализирани се 430 болни, од кои 70 се на респиратори.
“Имаме многу со пнеуномија, болни кои се на механичка вентилација. Се работи за болни кои многу брзо здравствено слабеат и бараат механичка вентилација. Меѓутоа, се работи за болни кои се помлади и повеќето од нив брзо се опоравуваат, така што дневно имаме околу 25 болни кои ги пуштаме на домашно негување“, објаснила Рудан.
