Од денес граѓаните на Србија имаат пристап до унифицирана дигитална потврда за вакцинација против корона, но и платформа на која ќе можат да ги добијат резултатите од различните Ковид тестирања.
Покрај личните податоци, како име, презиме, матичен број, пол и број на пасош на платформата треба да се внесат и полињата за датум на прва и втора доза.
Сертификатот за вакцинација и тоа како изгледа е споделен од страна на еден Твитер корисник кој во својата објава и вели дека не поминале ни 10 секунди откога го поднел барањето и ја добил потврдата.
Digitalni zeleni sertifikat! Od trenutka slanja zahteva do prijema: 10 sekundi!
Bravo za nadležne u Vladi Srb. & @eUprava 🇷🇸💪 pic.twitter.com/JfpgOAuhQ4
— Nikola Tomic (@TomiccNikola) May 12, 2021
Дигиталниот зелен сертификат е всушност сертификат кој е електронски заверен и како таков не може да биде злоупотребен или фалсификуван.
Како да добиете дигитален зелен сертификат?
За да добиете ваков сертификат потребно е да бидете регистрирани на порталот eUprava. Откако ќе се најавите и ќе ја изберете услугата Digital Green Certificate ќе ви се појави опцијата Start service. Неопходно е граѓаните најпрвин да ги проверат своите податоци, односно да ја потврдат својата адреса за е-пошта и за неколку миниту Сертификатот ќе го добиете на вашиот мејл.
Упатството за регистрација на порталот eUprava е достапна на самиот веб портал.
Со читање на GR кодот на Дигиталниот зелен сертификат го добивте следниот статус: зелената боја доколку сте вакцинирани со две дози, или со една доза АстраЗенека, но и зелена боја за негативни резултати од ПСР тест или антигенски тест направен во последните 72 часа.
Српските портали пренесуваат дека најверојатно истата постапка за добивање на сертификат ќе важи и за странците кои се вакцинираа во Србија.