СЕ ШУШКА ДЕКА ПРИЧИНАТА ЗА КРАЈОТ НА РОМАНСАТА Е НЕВЕРСТВО

Савка го изневерувала Лозано?!

Влатко Лозаноски и Савка Грачанин ја раскинаа свршувачката!

Влатко Лозаноски и Савка Грачанин ја раскинаа свршувачката!

После 9 години поминати заедно, парот решил да стави крај на љубовта, датумот за свадба е откажан, а манекенката пред неколку месеци се отселила и од заедничкиот стан во Кисела Вода . Причина за разделбата, наводно, е неверство, и тоа од страна на Савка.

Ако може да им се верува на чаршиските муабети, убавицата паралелно, неколку месеци била во врска со друго момче, а пејачот кога дознал за аферата решил да ја остави. За скандалот да биде уште поголем дечкото со кого се гледала Савка пред три дена на својот фејсбук-профил објавил неколку заеднички фотографии - на едната од нив страсно се бакнуваат, а на раката на Савка блеска вереничкиот прстен кој, пак, и го подари Лозано.

Пејачот не сака да ги коментира случувањата и само кусо ни изјави дека одлуката за крај на романсата ја донеле и двајцата, но и покрај се останале во добри односи.

Не сакам да коментирам апсолутно ништо, нема никогаш да кажам лош збор за Савка, заедно бевме 9 години, решивме да се разделиме и тоа е тоа, рече Влатко.

Манекенката која моментално е во родното Валандово не беше достапна за изјава на бројот кој е познат на нашата редакција, па нејзината страна од приказната не успеавме да ја дознаеме. Засега едно е сигурно - свадба нема да има! А дали сагата ќе има продолжение останува да видиме.

(Ј.А)

 

Поврзани

Најнови вести

Коментари