(Видео) Трамп го призна Ерусалим за главен град на Израел

Време е Ерусалим да биде признат за главен град на Израел, изјави денеска американскиот претседател Доналд Трамп. Денешната објава, според него, го одбележува почетокот на нов приод кон конфликтот меѓу Израел и палестинците. Во 1995 година, Конгресот усвои акт со кој се побара федералните власти да ја преместат Амбасадата во Ерусалим и да го признаат тој град за престолнина на Израел. Овој акт беше усвоен со големо мнозинство.

„Сепак, во текот на сите тие години, претседателите кои ја претставуваа САД одбија официјално да го признаат Ерусалим за главен град на Израел. Всушност, ние одбивме да признаеме кој и да е град за престолнина на Израел. Но, денеска конечно го признаваме очигледното, а тоа е дека Ерусалим е главен град на Израел. Тоа не е ништо помалку, ни ништо повеќе од признавање на реалноста. Исто така, тоа е исправна работа. Тоа е нешто што требаше да биде направено“, вели Трамп.

Сепак, тој потенцираше дека САД се уште се залагаат за решавање на израелско-палестинскиот конфликт по принципот „две држави“. Според него, САД остануваат длабоко посветени на пружање помош за полесно постигнување мировен договор што е прифатлив за двете страни.

Тој најави и дека во следните денови потпретседателот Мајк Пенс ќе отпатува на Блискиот Исток за да ја потврди посветеноста на САД да работат со партнерите од Блискиот Исток за да го победат радикализмот што ги загрозува надежите и соништата на идните генерации.

Ова е првпат САД да имаат амбасада во Ерусалим. Трамп побара Стејт департментот да започне подготовка за преместување на американската амбасада од Тел Авив во Ерусалим. Трамп потпиша шестмесечна суспензија на американскиот закон од 1995 година, со кој мандатот на амбасадата ќе се пресели во Ерусалим.

 

извор: Makfax

Поврзани

Најнови вести

Коментари