Во Ирак

Руски државјанин осуден на смрт поради членство во ИД

Како што се наведува во соопштението, рускиот државјанин, кому му е судено според ирачкиот закон за борба против тероризмот, признал дека „изведувал терористички операции" против ирачките безбедносни сили од 2015 година

Централниот кривичен суд во Багдад осуди државјанин на Русија на смрт со бесење поради членство на групата Исламска држава (ИД).

Во соопштението од Судот се наведува дека рускиот државјанин е уапсен кога ирачките сили потиснале исламска група од западниот дел на Мосул, за време на првата фаза од операцијата на преземање на вториот по големина град во Ирак од ИД. Оваа операција беше покрената во октомври минатата година, а заврши во јули.

Како што се наведува во соопштението, рускиот државјанин, кому му е судено според ирачкиот закон за борба против тероризмот, признал дека „изведувал терористички операции" против ирачките безбедносни сили од 2015 година.

Поврзани

Најнови вести

Коментари