Каде за квадрат стан треба да се плати 40.000 евра, а каде многу помалку

Кој е најскапиот пазар на недвижности во Европа

Светската економска криза, како и должничката криза со која се соочуваше Европа до крајот на 2013 година, се одрази и врз пазарот на недвижностите. По пет години стагнација, пазарот на недвижности во Европа почна да расте, и се стабилизра дури од средината на 2015 година.

Анализите покажуваат дека цените паднале за недвижности кои се интерес на средната класа, и тие под нив додека вредностите на луксузните имоти го одржале ценовното ниво и во кризните времиња. Ова сосема очигледно покажува дека кризата ја платиле оние кои најмалку имале влијание врз причините за нејзиното создавање, а од кризата профитирал најбогатиот општествен слој на менаџери, инвеститори и банкарскиот свет.

Според податоците за цени на недвижности во Европа - Монако е најскапиот пазар на луксузни имот, покажуваат податоците на консултантската компанија Knight Frank. Квадратен метар луксузна станбена површина во градот Монаки, или во Монте Карло чини од 30 до 40.000 евра.

На втората позиција е Лондон, каде квадратен метар луксузна станбена површина чини од 26 – 32.000 евра. Третата позиција е за Женева, со цена во опсег од 15 – 25.000 евра за квадрат. Во Топ пет на најскапите се уште Париз и банкарскиот Цирих.

Истовремено, на другата страна од луксузот и скапите цени за него - значи кога се во прашање убави станови за средната класа без внатрешен луксуз и опрема, најдостапен пазар на имот е Барцелона, каде квадратен метар во лусксузен стан чини од 6 – 9.000 евра. Втората позиција е за Мадрид со цени од 6-8.000 евра. Во петте најпристапни европски понуди за недвижности, станови за средната класа, влегуваат уште Даблин, Фиренца и Виена.

Мадрид и Даблин пак се оние кои најбрзо се опоравија од економската кризата во која се најде пазарот на луксузен недвижен имот, се наведува во извештајот на компанијата.

Во последните години, особено од 2016 година, се засилува и протокот на капитал од моќните инвестициски фондови, приватните банки и богатите семејства кои исто така се заинтересирани за луксузни недвижности, како статусен симбол на својата позиција во јавноста.

Сепак, се поставува прашањето колку овие тенденции, да се одржуваат високи цени на луксузните недвижности... па дури и да се зголемуваат во време на финансиски кризи и непосредно потоа, можат да опстанат на подолг рок. Ако листата на екстремно богати е таа што е, а износот на нивните сметки не опаднал за време на кризата, секако дека дел од тие пари ќе се усмерат кон купување луксузни недвижности. Инвестициите во ова се непродуктивни, и нема да ја подобрат работата на нивните компании и немаат позитивно влијание врз подбрување на условите за работа на средната класа која ги трпи последиците од одлуките на богатите кои голем дел од своите сретства ги трошат на непродуктивните скапи недвижности.

Водечките пазари на луксузен имот се потпираат на побарувачката главно од странство, како и на институционалните инвеститори. Во Барселона, на пример, Британците се најголемата група странски купувачи на луксузни домови, следени од Американците и Французите. Најголем дел од скапите езотерични куќи видени во филмовите и магазините од француската Прованс или италијанската Тоскана се во сопственост на Американци.

Во Виена, Русите и богатите граѓани на поранешните советски републики се главен двигател на побарувачката, следени од Германците и купувачите од Саудиска Арабија. Во Мадрид побарувачката за луксузен имот се фокусира на купувачи од Венецуела, а како третата најактивна група се Британците.

Во Монако најмногу лускузен недвижен имот им се продава на Русите, Италијанците и Белгијците. Купувачи на таква понуда во Лондон најчесто се Кинезите, Русите и Сингапурците, а во Даблин - Сингапурците, Британците и Малезијците.

Зголемувањето на бројот на купувачи и движењето на капиталот кон центрите во Европа, ќе го одредат идното движење на европскиот пазар на луксузн станбен имот, се наведува уште во извештајот.

Покрај знаците за закрепнување, еврозоната уште не е ослободена од кризата, предупредува компанијата. Поради монетарната политика на САД, и постепеното укинување на стимулации за економијата се очекува растот на цените на луксузниот имот да забави, особено на глобално ниво.

Истовремено, се очекуваат промени и кај профилот на купувачите.

Богатите поединци ќе останат важен фактор на пазарот, но се повеќе ќе се засилува конкуренцијата помеѓу фондовите за приватен капитал, институционалните инвеститори и државните инвестициски фондови. А сеуште не е откриено од каде толку пари за тие цели, бидејќи токму тие беа генератори на светската економска криза, и должничкта криза во Европа.

Според експертите кои ги правеле истражувањата, главни фактори за создавање статус на некоја недвижност од стандардна во луксузна, се: квалитетот на градбата и логистиката, традицијата и близината на слични престижни локации на местото и околината каде се наоѓа недвижноста, инфраструктурата, правната и економска стабилност на државата во која луксузната недвижност се наоѓа.

Поврзани

Најнови вести

Коментари