ФИФА ги објави имињата на водителите на ждрепката за Мундијалот

Светската фудбалска федерација (ФИФА) полека ги привршува подготовките за ждрепката која ќе ги одреди осумте групи на Светското првенство во Русија.

Извлекувањето на групите е закажано за 1 декември, ФИФА сè уште не објави кој ќе ги извлекува топчињата во кои ќе бидат имињата на репрезентациите, но соопшти кој ќе ја води програмата на церемонијата во Москва.

Тоа ќе бидат поранешниот англиски репрезентативец и најдобар стрелец на Мундијалот во Мексико во 1986 година, Гери Линекер, и руската новинарка Марија Команднаја.

Линекер и Команднаја во текот на извлекувањето на групите ќе имаат седум асистенти кои ќе бидат задолжени за извлекувањето на топчињата, а ФИФА наскоро ќе ги соопшти и нивните имиња.

извор: Makfax

Поврзани

Најнови вести

Коментари