Гази Баба

Се игра 10-от јубилеен турнир во мал фудбал во Триангла

Во Триангла, Гази Баба, се одржува традиционалниот турнир во мал фудбал "8 Септември", кој се одржува по повод Денот на независноста на Република Македонија. Ова е 10-то јубилејно издание на овој турнир, кој и оваа година се одржува на спортското игралиште во населбата Триангла, а истото е финансиски поддржано од страна на Градот Скопје и Општина Гази Баба

- Градот Скопје и Општина Гази Баба како покровители на овој настан, Ве покануваат во наредните триесетина дена на еден од најголемите турнири во мал фудбал во Македонија, низ фер-плеј игра и фудбалски мајстории, заедно да се дружиме и да им дадеме поддршка на овие фудбалери. Радува податокот дека секоја година се пријавуваат се повеќе екипи од повеќе општини од Скопје и од Македонија, дека одгласот во публиката е се поголем, а дека за афирмацијата на турнирот, покрај организаторите и покровителите, секако се заслужни и бројните спонзори кои обезбедија вредни награди - кажа градоначалникот на Град Скопје, Коце Трајановски.

На турнирот "8 Септември" оваа година учество ќе земат над 50 екипи, кои ќе се натпреваруваат во 8 групи, при што најдобрите 4 екипи од секоја група ќе поминат во елиминационата фаза.

Поврзани

Најнови вести

Коментари