СДСМ Гостивар се огради од назначувањето на новиот директор на Водостопанство

Општинската организација на СДСМ Гостивар попладнево реагираше на поставувањето на Славе Арсоски за директор на ЈП Водостопанство на Македонија и се огради од неговото назначување.

-ОО СДСМ Гостивар го известува своето членство дека Славе Арсоски поранешен претседател на ОО СДСМ Гостивар и пратеник од редовите на СДСМ во периодот од 2002-2006 год, од 2006 год. е член на НСДП. Во период од 2006-2008 кога НСДП коалицира со ВМРО-ДПМНЕ истиот е поставен на истата функција како денес односно директор на ЈП Водостопанство на РМ. ОО СДСМ Гостивар од првиот момент на сознание дека НСДП го спрема истиот како кадар за погоре наведеното место реагираше кај структурите од НСДП како на локално така и на Централно, меѓутоа истите не ги послушаа нашите сугестии. Од тие причини ОО СДСМ Гостивар се оградува од назначувањето на Славе Арсоски за директор на ЈП Водостопанство на РМ, се вели во реакцијата на ОО СДСМ Гостивар.

Тие додаваат дека ако НСДП уште еднаш не го преиспита својот став, евентуалното коалицирање на локално ниво за наредните локални избори е доведено во прашање.

Владата денеска именуваше 67 нови функционери и директори на органи, државни управи и казнено поправни установи што се во нејзина надлежност.

Поврзани

Најнови вести

Коментари