Никола Тодоров и дедото на Тамара од Велес денеска во суд, ќе се разгледуваат психијатриските вештачења

Во кривичниот суд за денеска е закажано судење против Љупчо Стојановски, дедо на починатата Тамара од Велес, кој на 1 јуни минатата година пукаше во поранешниот министер за здравство, Никола Тодоров. Тој се товари за две кривични дела – обид за убиство и недозволено изработување, држење и тргување со оружје или распрскувачки материи.

Инцидентот се случи на 1 јуни годинава пред Министерството за здравство. Според она што го кажал пред полицијата, тој дошол утрината сам во Скопје. Кај себе имал повратен билет за Велес. Кажал дека тој напрвин го чекал Тодоров дома, но ексминистерот не се појавил. Потоа дошол пред Министерството за здравство и веднаш кога му се појавил пред очите, почнал да пука кон него. За среќа, Тодоров не беше повреден.

Пред Судот треба да бидат приложени нови психијатриски вештачења од ЈЗУ „Психијатриска болница – Скопје“ од кои треба да се утврди дали обвинетиот бил пресметлив кога го извршувал кривичното дело.

К. Л.

извор: Makfax

Поврзани

Најнови вести

Коментари