Интервју за 360 степени

Џафери за патните трошоци: Јас не сум тој што треба да пази дали пратениците доаѓаат со 1 или 5 возила!

Во интервју за „360 Степени" претседателот на Собранието, Талат Џафери, зборуваше за реакциите на јавноста во врска со патните трошоци кои ги добиваат пратениците. На прашањето што ќе превземе Собранието за овие злоупотреби, тој вели дека тоа треба да го разгледаат други институции, не Парламентот.

– Ако има елементи на злоупотреба, не е прашање кое може да се разгледа од Парламентот, тоа треба да го разгледат другите институции.

Вие можете да иницирате промени кои ќе го намалат просторот за злоупотреба.

– Една работа е иницијативата за измени, друго е истражувањето на можната злоупотреба. Парламентот како секоја друга институција, подлегнал на контрола на Државната ревизија...

Добро, јас ве разбирам, но видете – ако имате патен налог, ако имате фискални сметки од патарини, нормално дека мора да му се исплати, но тоа не значи дека нема злоупотреби.

– Тоа е процедураата.

Дали ќе иницирате промени?

– Ако има злоупотреба, тоа не е надлежност на Парламентот. Врз што констатирате дека има злоупотреби? Тоа е суштината на дебатата. Кој има надлежности за тоа?

Но, Вие знаете, господине Џафери, дека со една кола доаѓаат четворица, а сите наплаќаат патни трошоци.

– Кој сум јас да го знам тоа, јас не сум чувар.

Не велам дека сте тој што треба да ги казни за тоа, но треба да иницирате евентуално промена.

– Јас не сум тој што треба да внимавам дали одат со едно или пет возила. Има други институции кои се занимаваат со тоа. Ако има таков случај, институцијата која се занимава со тоа, треба да го извести Собранието. За тоа известување, ако Собранието извршило исплата, за известувањата за можната злоупотреба, тогаш Парламентот има одговорност за тоа. Начините дали има можност за нова алтернатива за разгледување, да, и во Парламентот има посебен оддел, парламентарен институт, каде според референците се лица со академска способност во смисла на предакадемски подготовки и ќе имаат за задача да направат компаративна анализа на сите можности како решенија.

Поврзани

Најнови вести

Коментари