Во Кина

Угина Баси - најстарaта панда во светот

Најстарата панда во светот, 37-годишната Баси, угина, соопштија нејзините старатели во кинеската југоисточна покраина Фузхоу.

Баси го достигна екививалентот на возраста од сто човечки години. Кинеската државна телевизија вчера во живо ја пренесуваше комеморацијата за Баси.

- Со тажно срце објавуваме дека големата панда и ѕвезда Баси угина во осум часот и 50 минути на возраст од 37 години. Беше ангел на пријателството во земјата и во странство, изјави претставник на истражувачкиот центар за панди во Фузхоу, каде Беси престојуваше повеќе од 30 години.

Големите панди во Кина се сметаат за национален симбол и се предмет на строга заштита веќе неколку десетлетија. Поради сето тоа, тие денес не се загрозен вид. Баси го доби своето име според долината во која е најдена. Пандата беше инспирација за маскотата на првите азиски игри во 1990 година.

Поврзани

Најнови вести

Коментари