Фесјбук ги отфрла медиумите и го скрати правото на публиката да чита вести

Импликациите за ова се огромни, особено за брендовите и издавачите кои можеби премногу се потпираат на Фејсбук. Долго време, тоа и не беше така лоша стратегија, бидејќи Фејсбук генерираше неверојатни количини на сообраќај, но најавата на Закербер ги менува правилата. Според Кетрин Хејс, извршен директор на стартапот Vivoom, кој работи со кампањи генерирани од корисниците, менувањето newsfeed-от (централниот дел за објави) на Фејсбук ќе стане проблем не само за издавачите и за сообраќајот, туку и за брендовите, кои ќе почнат да ја губат публиката за која работеле (и платиле) да ја изградат.

„Важноста на содржините генерирани од корисниците, кои веќе се покажаа дека се главен двигател на општественото влијание врз одлуките за купување, е поголема од кога и да е, но мислењата од пријателите и семејството ќе станат приоритетни покрај пред сè друго", рече Хејс.

Она што е интересно е дека неколку издавачи и агенции ја гледаат оваа промена како добра работа. Ако „Фејсбук" ги намали издавачите со низок квалитет/ниска интеракција, како што се очекува, тоа би можело да биде одлично за новинските агенции, изјавува Раџа Нарисети, извршен директор на „Гизмодо медиа груп".

„Бидејќи ние не се потпираме на „Фејсбук" за поголемиот дел од дистрибуцијата на вести, промените можеби и нема да бидат толку лоши", продолжи Нарисети. „Но, тоа треба да биде последниот смртоносен удар за оние кои сметаат дека од прегледи на видеа ќе добијат многу на „Фејсбук"."

Во текот на изминатите неколку години, издавачите посветија повеќе ресурси во градење на видео тимови. Голем дел од нивната работа се појавува на „Фејсбук". „Фејсбук" гарантира прегледи, кои издавачите можат да ги вклучат во вкупните CPM (број на прегледи на реклами). Насочувањето кон видео продукција е повеќе насочување кон „Фејсбук".

Во едно интервју, шефот на WPP Сер Мартин Сорел изјави: „Ако [„Фејсбук"] го прилагоди newsfeed-от на овој начин, не ги знам точните детали, но се чини дека тоа е правилна одлука, бидејќи постојат одредени издавачи кои се одговорни издавачи и има некои [други] кои треба внимателно да се следат."

Гледајќи колку сообраќај испорачува „Фејсбук", издавачите многу успешно можеа да направат стратегии и алатки за да им ги испорачаат потребните импресии на клиентите. Издавачите можеа да постават стратегии за цени на реклами врз основа на целокупните придобивки од сообраќајот, знаејќи дека ќе добијат поттик од органските кликови од Фејсбук, но исто така и од тоа што ќе му плаќаат на Фејсбук за да испорача сообраќај.

Pixel.mk Згора на тоа, медиумските компании се потпираа - можеби премногу силно - на „Фејсбук" како на лост во спонзорираната дистрибуција на содржини. Тука, арбитражата е клучна. Медиумските компании им наплаќаа на брендовите одредена сума за да се испорачуваат брендирани или спонзорирани содржини на „Фејсбук" како дел од целокупното трошење средства, а потоа му плаќаа на „Фејсбук" само мал дел од тоа за да ја дистрибуираат содржината.

„Фејсбук" почна да го прилагодува алгоритмот на newsfeed-от во 2013 година, а издавачите како Viral Nova и Distractify забележале дека нивниот сообраќај нагло опаѓа.

Во текот на следните пет години, „Фејсбук" продолжи да го менува newsfeed-от, лутејќи ги издавачите по пат. Во јуни, 2016 година, компанијата претстави тест со алгоритмот за newsfeed-от, кој беше предвесник за синоќешната објавата, давајќи поголема тежина на објавите од пријатели и семејства. Заменик-претседателот на newsfeed Адам Мосери се обиде да ги утеши издавачите, изјавувајќи дека: „Целта на овој тест е да се разбере дали луѓето сакаат да имаат посебни места за лична и јавна содржина.

Ние ќе го слушнеме она што луѓето ќе го кажуваат за нивното искуство за да разбереме дали ова е идеја што вреди да се проследи и понатаму. За жал, некои погрешно го протолкуваа тоа, но тоа не беше наша намера." Денес веќе тоа е друга песна.

Она што издавачите изгледаа не го разбираат, или барем не ги засега, е дека „Фејсбук" гарантира сообраќај, но не и публика. И сега кога „Фејсбук" го намалува опсегот за брендови и издавачи, компаниите кои се занимаваат со создавање на содржина брзо ќе ја откријат разликата помеѓу сообраќајот и публиката.

 

Поврзани

Најнови вести

Коментари