И понатаму се крие

Судија одби да ја прекине постапката против режисерот Полански за силување

Саманта Гејмер во јуни од судот побара да ја прекине „40-годишната казна", која, според неа, им била наметната како на извршителот на делото, така и нејзе како жртва.

Судија во Лос Анџелес ја отфрли молбата на жената, силувана од Роман Полански кога била на возраст од едвај 13-години, за прекин на судскиот предмет против познатиот француски режисер од полско потекло, пренесоа светските агенции.

-Полански и натаму се крие од правосудството и судот не може да го прекине предметот, затоа што на тој начин тоа ќе биде најдобро за жртвата, изјави судијата.

Саманта Гејмер во јуни од судот побара да ја прекине „40-годишната казна", која, според неа, им била наметната како на извршителот на делото, така и нејзе како жртва.

Во 1977 година Роман Полански, тогаш на возраст од 43-години, беше изведен пред суд во Калифорнија под обвинение за силување на 13-годишната Саманта Гејмер. Режисерот се произнесе за виновен за незаконски сексуални односи и во затвор мина 42 дена. Откако беше пуштен на слобода со гаранција, Полански од САД побегна во Франција пред да му биде изречена казната, стравувајќи дека постигнатата спогодба ќе биде укината и ќе биде вратен зад решетки на подолго време.

Добитникот на "Оскар" за режија оттогаш со години се крие од американското правосудство.

Поврзани

Најнови вести

Коментари