Од 20 септември во ДПМ

Македонските издавачи со најновата книжевна продукција

Отворениот проект на ДПМ ќе овозможи до крајот на годината издавачите, преку промоции, дебати и портрети, да ги претстават делата и авторите опфатени во нивните програми.

Друштвото на писателите на Македонија од 20 септември го започнува проектот "Денови на македонските издавачи# посветен на најновата книжевна продукција и доближување на книгата до читателите.

Отворениот проект на ДПМ ќе овозможи до крајот на годината издавачите, преку промоции, дебати и портрети, да ги претстават делата и авторите опфатени во нивните програми.

Акцентот е ставен на книгите објавени во Македонија во тековната година, при што ќе бидат претставени писатели од сите генерации.

Љубителите на литературата ќе имаат можност да присуствуваат и на презентација на дела од наши автори објавувани на други јазици.

Друштвото на писателите на Македонија во рамките на оваа манифестација ќе одржи дебата посветена на состојбата на книгата, статусот на авторот, заштитата на авторскиот труд, како и за актуелните проблеми во издавачката дејност, книжарството и библиотеките.

Поврзани

Најнови вести

Коментари