Дачиќ: Светските центри на моќ заиграа пред границите на Балканот

Српскиот шеф на дипломатијата, Ивица Дачиќ истакна дека светските центри на моќ заиграле кога помислиле дека е можно прекројување на границите на Балканот, бидејќи, како што вели тој, овој дел се уште не е дел од ЕУ.

Како што изјави Дачиќ за рускиот весник „Известија“, тоа е еден од најсветлите примери на двојни стандарди и лицемерие на светската политика. Тој додаде дека Белград останува приврзаник на европските принципи и демократија, но дека нема да ја жртвува својата независност.

„Ќе продолжиме да се бориме за својата иднина, ќе соработуваме со нашите соседи и ќе се обидеме да го решиме проблемот“, рече Дачиќ.

На прашањето дали Србија ќе воведе санкции против Русија на барање на западот, Дачиќ рече дека со Србија сака да одржува сеопфатна соработка и пријателски односи во политичка и економска област, како и во науката, културата, образованието, одбраната, безбедноста и воената структура.

„Ќе го продолжиме тоа и во иднина. Србија ќе остане доследна во својата политика и нема да се приклучи кон европски анти-руски санкции. Ние се надеваме и на укинување на сакнции кон Русија“, истакна Дачиќ.

Српскиот министер додаде дека Србија се соочува со последиците од своите одлуки.

„Србија сака во ЕУ, но никогаш нема да одиме против сопствените национални интереси и никогаш нема да воведеме санкции против пријатели“, рече Дачиќ.

извор: Makfax

Поврзани

Најнови вести

Коментари